Rannsóknaverkefni

Verkefni í vinnslu

Goðafræðiverkefnið
Markmið verkefnisins er að gefa út nokkurra binda yfirlitsrit um norræna goðafræði þar sem gerð verður grein fyrir öllum helstu heimildum um hana, þ.e. fornleifum, örnefnum og rituðu máli.

Heimsins hnoss
Rannsóknarverkefnið samanstendur af framlagi fræðimanna á sviði sagnfræði, efnismenningarfræða (fornleifafræði og mannfræði) sem og safnafræða. Þungi rannsóknarinnar er tvíþættur. Í fyrsta lagi er lögð áhersla á fyrirbærið safn (“the archive”) og hins vegar verður hugað að því hvernig söfn hafa verið nýtt í vísindum á fjölbreyttum sviðum akademískra rannsókna.

Undirstöður landbúnaðarsamfélagsins
Að rannsóknarverkefninu vinnur hópur af fræðimönnum og doktorsnemum.  Markmið verkefnisins er að öðlast nákvæma vitneskju um félagsgerð, fjölskylduhætti og búskap í bændasamfélaginu við upphaf 18. aldar. Aðalheimildirnar eru jarðabók Árna og Páls 1702-1714, manntalið 1703 og kvikfjártalið 1703.

   Verkefnum lokið

Á mótum danskrar og íslenskrar menningar: Danir á Íslandi 1900–1970
Markmiðið með verkefninu er að rannsaka menningu og félagslega stöðu danskra manna sem búsettir voru á Íslandi á tímabilinu 1900-1970.  Tungumálasérfræðingar og sagnfræðingar taka þátt í rannsókninni og fást þeir m.a. við tungutak Dananna, sjálfsmynd, menningarleg sérkenni, samfélagslega og efnahagslega stöðu þeirra í íslensku samfélagi og tengsl við Danmörku.

Kirkjurnar kortlagðar
The Saints in Iceland: Mapping the Icelandic Church. Rannsóknarverkefni Margaret Cormack og Norbert Winnige.

Reykholtsverkefnið
Rannsóknir á Reykholti í Borgarfirði. Unnið er að fornleifarannsóknum, rannsóknum á náttúrulegum og mannlegum umhverfisbreytingum og á Reykholti sem miðstöð kirkju, valda og bókmenningar.

Saga íslenskrar utanlandsverslunar 900-2010
Samstarfsverkefni fimm sagnfræðinga sem ætlað er að fjalla á heildstæðan hátt um íslenska utanlandsverslun. Meðal viðfangsefna eru samband Íslendinga við umheiminn, áhrif á framleiðslu, atvinnulíf og líf almennings og afstaða Íslendinga til utanlandsverslunar.

Skriðuklaustur – híbýli helgra manna
Rannsóknarverkefni undir stjórn Steinunnar Kristjánsdóttur fornleifafræðings um byggingararlag Skriðuklausturs og afleiðingar þess fyrir ríkjandi hugmyndir um fyrirkomulag helgihalds á staðnum.