Bjarni Benediktsson forsætisráðherra
Vefur um ævi og störf Bjarna Benediktssonar með ræðum, skjölum, ljósmyndum og margmiðlunarefni. Borgarskjalasafn Reykjavíkur.
Gagnagrunnnur með skrám yfir dánarbúsuppskriftir, skiptabækur og uppboð sem til eru frá 18. og 19. öld og varðveitt eru í Þjóðskjalasafni Íslands. Einnig er nokkuð um skrár er varða eigur lifandi fólks, svo sem vegna hjónaskilnaða og gjaldþrota. Dánarbúin vega þyngst í verkefninu en þær innihalda nákvæmar skrár yfir eftirlátnar eigur fólks. Már Jónsson prófessor í sagnfræði er höfundur gagnagrunnsins.
Dysjar hinna dæmdu
Á vef rannsóknaverkefnisins Dysjar hinna dæmdu, sem hefur það markmið að rannsaka aftökur á Íslandi frá 1550-1830, má m.a. finna kortasjá þar sem hægt er skoða eftir landsvæðum nöfn þeirra sem dæmd voru til dauða. Einnig má sjá heimabæi þeirra, kyn, aldur, brot, dóma o.fl. Stjórnandi verkefnisins er Steinunn Kristjánsdóttir fornleifafræðingur.
Fjallkonan
Á vefnum eru birt brot úr sögu kvenna á Íslandi frá 1874 til samtímans. Hvatinn að gerð vefsins er þátttaka Minjasafns Reykjavíkur í evrópsku samstarfsverkefni Making Women´s History Visible in Europe. Minjasafn Reykjavíkur.
Fróðleikur Kvennasögusafns Íslands
Vefur sem hefur að geyma ýmsar upplýsingar um íslenska kvennasögu.
Gagnagrunnur um samfélagsgerð Íslands 1703 (GUS-1703)
Vefur um lífshætti á Íslandi í byrjun 18. aldar í máli, myndum, kortum og töflum. Á vefnum eru upplýsingar um einstaklinga, fjölskyldur, heimili, jarðir og búfé. GUS-1703 er unninn af sjö sagnfræðingum og landfræðingum í rannsóknarverkefninu Undirstöður landbúnaðarsamfélagsins í Háskóla Íslands. Vefnum er skipt í fjóra hluta: kortasjá, gagnagrunn, töflur, myndir og kort, og upplýsingar um gögnin og rannsóknina.
Handritin heima – vefsíða um íslensk handrit
Vefur um íslensk miðaldahandrit og þann vitnisburð sem þau hafa að geyma um fornt handverk, fræðastarf og sagnaarf, myndlistarsögu, menningarástand og hugðarefni fólks frá fyrri öldum. Vefurinn er saminn af Soffíu Guðnýju Guðmundsdóttur og Laufeyju Guðnadóttur í samstarfi við Stofnun Árna Magnússonar í íslenskum fræðum.
Heimaslóð
Sögu-, menningar- og náttúrufarsvefur um Vestmannaeyjar sem rekinn er af Vestmannaeyjabæ.
Hrunið, þið munið
Ráðstefnuvefur um bankahrunið 2008. Vefurinn er jafnframt gagnabanki þar sem vísað er á margvíslegt efni sem tengist „útrásinni“, aðdraganda fjármálakreppunnar og margvíslegum afleiðingum hennar, s.s. bækur, greinar, skýrslur, lög og dóma, skáldverk og kvikmyndir. Umsjón með vefnum hafa Jón Karl Helgason og Markús Þórhallsson.
Huldukonur. Hinsegin kynverund kvenna á Íslandi fyrir 1960
Vefnum er ætlað að veita almenningi upplýsingar um hinsegin kynverund kvenna á tímabilinu 1700–1960. Ennfremur er hann efnisveita fyrir fræðimenn, kennara og nemendur sem leita heimilda um efnið. Umsjónarmenn vefsins eru Ásta Kristín Benediktsdóttir, Hafdís Erla Hafsteinsdóttir og Íris Ellenberger.
Íslendingabók
Í Íslendingabók má finna upplýsingar um nær alla Íslendinga sem heimildir eru til um. Leitarbær ættfræðigrunnur sem unninn er upp úr kirkjubókum og manntölum. Íslendingabók er afrakstur af samstarfi Íslenskrar erfðagreiningar og Friðriks Skúlasonar.
Kvennalistinn
Vefur um sögu kvennaframboðanna í sveitarstjórnum og á Alþingi á árunum 1982-1999. Birtar eru frásagnir og ýmsar samtímaheimildir úr starfi hreyfinganna. Kristín Jónsdóttir er stofnandi og ritstjóri vefjarins.
Landsnefndin fyrri 1770-1771
Vefur með ítarlegum upplýsingum um störf Landsnefndarinnar fyrri, skjöl hennar og rannsóknir tengdar útgáfu skjalanna. Á vefnum er hægt að skoða frumrit skjalanna. Á árunum 2016-2022 kom út heildarútgáfa á skjölum Landsnefndarinnar í samstarfi við Ríkisskjalasafnið í Danmörku og Sögufélag undir titlinum Landsnefndin fyrri 1770–1771 I–VI. Nú er hægt að nálgast öll sex bindin í rafrænni útgáfu á vefnum. Þjóðskjalasafn Íslands.
Mødet mellem dansk og islandsk kultur
Samstarfsverkefni Stofnunar Vigdísar Finnbogadóttur, Sagnfræðistofnunar og Landsbókasafns. Á vefnum eru upplýsingar um danskt mál og menningu á Íslandi í fortíð og nútíð ásamt heimildum um Dani á Íslandi á 20. öldinni. Vefurinn sækir efni að verulegu leyti í rannsóknarverkefnið Á mótum danskrar og íslenskrar menningar. Danir á Íslandi 1900-1970s sem Auður Hauksdóttir og Guðmundur Jónsson stýrðu.
Orðabelgur – sögulegt hugtakasafn Þjóðskjalasafns Íslands
Safn sögulegra hugtaka og orðskýringa sem Björk Ingimundardóttir, sagnfræðingur og fyrrverandi skjalavörður og sviðsstjóri á Þjóðskjalasafni Íslands, hefur safnað saman. Vefurinn er hluti af stafrænu útgáfusafni Þjóðskjalasafns Íslands og skiptist í þrjá hluta: Hugtakaskýringar, orðskýringar og skammstafanir.
Ólafur Thors forsætisráðherra
Vefur um líf og störf Ólafs Thors, þ. á. m. ræður, ljósmyndir, hljóðskrár, myndband og skjalaskrá. Borgarskjalasafn.
Saga íþrótta í Reykjavík
Vefur á vegum Íþróttabandalags Reykjavíkur sem fjallar um sögu íþrótta í Reykjavík frá 1824-2019. Á vefnum er að finna m.a. ljósmyndir úr íþróttalífinu og gerð grein fyrir þróun og helstu áföngum í íþróttastarfi í Reykjavík.
Spánverjavígin 1615
Vefur um Spánverjavígin 1615 og ýmislegt efni tengt Böskum og umsvifum þeirra í Norðurhöfum. Vefinn vann Sigrún Antonsdóttir sem hluta af lokaverkefni í hagnýtri menningarmiðlun við Háskóla Íslands árið 2015.
Svona fólk
Á vefsíðunni er aðgangur að viðtölum ásamt ýmsum öðrum heimildum og fróðleik sem varð til við vinnu heimildaþáttanna Svona fólk. Þættirnir fjalla um réttindabaráttu íslenskra homma og lesbía og eru viðtölin á vefsíðunni merkilegar heimildir bæði um sögu homma og lesbía á Íslandi svo og þróun íslensks nútímasamfélags.
Torfbæir í netheimum
Nemar undir stjórn Þorsteins Helgasonar á menntavísindasviði Háskóla Íslands hafa myndað stóran vef af verkefnum um torfbæi. Verkefnin eru byggð á viðtölum við fólk sem ólst upp í torbæjum eða hafði náin kynni af þeim.
Saga tölvuvæðingar á Íslandi
Vefur á vegum Ský – Skýrslutæknifélags Íslands um sögu tölvuvæðingar á Íslandi frá árinu 1964. Meginuppistaða vefsíðunnar er bók Önnu Ólafsdóttur Björnsson, Tölvuvæðing í hálfa öld – Upplýsingatækni á Íslandi 1964-2014, en einnig má finna þar ýmislegt annað efni um sögu tölvubúnaðs á Íslandi.
Vertshúsið. Maddama Angel og fyrsta veitingahúsið í Reykjavík
Söguvefur um ævi Margrethe Angel (1749-1807) sem stofnaði fyrsta veitingahús landsins á árunum 1789-1796. Vefurinn er unnin af Katelin Parsons og Johny Lindholm.
Vísindavefurinn
Vefurinn fjallar um öll vísindi, þar á meðal sagnfræði. Gestir geta lesið á vefnum svör við spurningum um flest milli himins og jarðar og einnig lagt fram nýjar spurningar um hvaðeina sem ætla má að starfsmenn Háskólans og stuðningsmenn vefsins geti svarað eða fundið svör við. Efni um Íslandssögu geta menn fundið hér og um mannkynssögu hér. Vísindavefurinn er í umsjá Háskóla Íslands og er Jón Gunnar Þorsteinsson ritstjóri hans.
Þingkosningar 1874–1903
Vefur sem inniheldur upplýsingar um alþingiskosningar á landshöfðingatímanum (1874–1903). Á vefnum er að finna margvíslegar upplýsingar um frambjóðendur og kjósendur á þessum tíma ásamt umfjöllun um framkvæmd kosninga. Leitarbær gagnagrunnur gerir notendum meðal annars kleift að finna einstaka kjósendur og fræðast um hvort þeir kusu og þá hverja eða sjá hvaða kjósendur kusu tiltekna frambjóðendur. Gagnagrunnurinn er samstarfsverkefni Þjóðskjalasafns Íslands og Hrafnkels Lárussonar sagnfræðings.