Á vormisseri verður breytt um stefnu og litið inn á við. Yfirskrif vormisserisins verður Hvað er dómur sögunnar? Þá munu fræðimenn fjalla um hvernig hið illskilgreinda fyrirbæri dómur sögunnar hefur leikið viðfangsefni þeirra. Um leið er hlutverk sagnfræðinga við „dómnefndarstörfin“ tekið til umfjöllunar. Sigurður Gylfi Magnússon opnar dagskrá vormisseris þann 19. janúar í erindi þar sem hann heldur því fram að dómur sögunnar sé alltaf rangur. Í kjölfarið verður hugað að eftirmælum þriggja sögufrægra einstaklinga, tækninýjunga á 18. öld, víkinga og braggahverfa.
Það er því spennandi vetur framundan. Hádegisfundirnir fara sem fyrr fram annan hvern þriðjudag kl. 12:05-13:00 í fyrirlestrasal Þjóðminjasafns Íslands.
Dagskrá vetrarins
Haustmisseri 2009 – Hvað er kreppa?
22. september
Hugvísindi á krepputímum. Staða, hlutverk og sóknarfæri
Katrín Jakobsdóttir menntamálaráðherra
Viðar Hreinsson framkvæmdastjóri Reykjavíkurakademíunnar
Íris Ellenberger formaður Sagnfræðingafélagsins
6. október
Sólveig Ólafsdóttir: Íslenskur kreppukostur
20. október
Skúli Sæland: Ímyndarkreppa Skálholts og viðreisn þess um miðja síðustu öld
3. nóvember
Sigrún Davíðsdóttir: Kreppan og kunningjaþjóðfélagið
17. nóvember
Guðmundur Jónsson: Velferðarríkið og efnahagskreppur á Íslandi
1. desember
Guðmundur Hálfdanarson: Er íslenskt fullveldi í kreppu?
Vormisseri 2010 – Hvað er dómur sögunnar?
19. janúar
Sigurður Gylfi Magnússon: Dómur sögunnar er ævinlega rangur!
2. febrúar
Úlfar Bragason: „Útlent vald oss yfir dynur – Ísland hefur jarl!“ eftirmæli Gissurar
Þorvaldssonar
16. febrúar
Jón Yngvi Jóhannsson: „Eg var ekki falur neinu valdi“. Gunnar Gunnarsson og dómur sögunnar
2. mars
Hrefna Róbertsdóttir: Gamall eða nýr tími á 18. öld?
16. mars
Katla Kjartansdóttir: Vandræðalegir víkingar. Ímynd, arfur og tilfinningar
30. mars
Eggert Þór Bernharðsson: Dómi snúið? Viðhorf til braggasögunnar
13. apríl
Guðni Th. Jóhannesson: Gunnar Thoroddsen og dómur sögunnar
Hvað er kreppa? – Hvað er dómur sögunnar?
Dagskrá hádegisfyrirlestra Sagnfræðingafélags Íslands í vetur er komin út og verður send til allra félaga í vikunni ásamt fréttabréfi félagsins.
Sem fyrr verður veturinn tvískiptur. Hvað er kreppa? er yfirskrift haustsins og eiga stjórnmál og efnahagsmál þar eðlilega stærstan sessinn. Þar er þó einnig að finna erindi um ímyndarkreppu og matarmenningu á krepputímum. Hádegisfyrirlestraröðinni verður fylgt úr hlaði þann 22. september með málþingi um stöðu, hlutverk og framtíð hugvísinda á krepputímum með þátttöku Katrínar Jakobsdóttur menntamálaráðherra, Viðars Hreinssonar framkvæmdastjóra ReykjavíkurAkademíunnar og Írisar Ellenberger.