Reykjavíkur Akademían, Landsbókasafn Íslands Háskólabókasafn og Stofnun Árna Magnússonar 
efna til málþings um neftóbaksfræði í samstarfi við ORG ættfræðiþjónustuna ehf.

Laugardaginn 10. maí 

í fyrirlestrasal Þjóðarbókhlöðunnar frá klukkan 13.00 – 16.30
Neftóbaksfræði var um hríð hálfgert skammaryrði um um margvísa fræðaiðju sjálfmenntaðra alþýðufræðimanna: fróðleikssöfnun, ættfræðigrúsk og sagnaþáttaritun þar sem finna má frásagnarlist sem jafna má við Íslendingasögur. Þjóðlegur fróðleikur er annað heiti og virðulegra á þessari iðju. Vera má að lítilsvirðing fyrir þessari iðju hafi náð hámarki í orðum Kára Stefánssonar forstjóra Íslenskrar erfðagreiningar þegar hann talaði um skrýtna neftóbakskarla sem ræktuðu fótsveppi.
Vissulega voru og eru neftóbaksfræðin meiri þrifnaðarsýsla heldur en þetta. Alþýðleg fræðaiðja var öflug og sérstæð menningarhefð öldum saman sem full ástæða er til að sýna fulla virðingu og skoða í nýju ljósi. Af þeim sökum er blásið til þessa málþings þar sem fjallað verður um ýmsar hliðar þessara fræða

Dagskrá:
13:00: Örn Hrafnkelsson forstöðumaður Handritadeildar Landsbókasafns Háskólabókasafns setur þingið
13:15: Sólveig Ólafsdóttir: Neftóbak og námsmenn
13:45: Jón Torfason talar um Gísla Konráðsson sagnaritara
14:15: Kaffihlé
Í kaffihléi kynnir Oddur Helgason ættfræðigrunn ORG ættfræðiþjónustunnar og fleira verður kynnt, af viðfangsefnum hinnar alþýðlegu fræðahefðar
15:00: Birgir Þórðarson segir frá skáldi sem þjóðin gleymdi
15:30: Luciano Dutra segir frá Brasilíuförum
16:00: Guðrún Ása Grímsdóttir talar um útgáfu ættfræðihandrita
Viðar Hreinsson stýrir málþinginu.