Þriðjudaginn 1. apríl heldur Helgi Þorláksson sagnfræðingur sjötta og næstsíðasta fyrirlesturinn í fyrirlestraröð Minjasafns Reykjavíkur um fornleifar í Reykjavík og lífið á landnámsöld.
Fyrirlesturinn nefnist: Hvað vitum við helst um Reykvíkinga á 9. og 10. öld? Varpað veður fram þeirri spurningu hvort Ingólfur Arnarson og hans fólk hafi verið til. Rökstyðja má að frásagnir Landnámabókar um Ingólf og Hjörleif séu skáldskapur að miklu leyti, etv. frá rótum. Eru þá ritheimildir frá 12. öld og síðar gagnslausar um líf fólks í Reykjavík á 9. og 10. öld?
Fyrirlesari mun fjalla um það að svo þurfi ekki að vera og rekja dæmi þess hvernig ritheimildir geta skýrt fornleifar, gefið þeim merkingu og lagt til efni í mynd af lífi Reykvíkinga á umræddum tíma. Þá mun hann fjalla um það hvernig aðrar heimildir en ritheimildir og fornleifar geta varpað ljósi á líf og kjör fólks á elsta skeiði og mun þá einkum nýta náttúrufræðileg og staðfræðileg rök og örnefni.
Hvað vitum við helst um Reykvíkinga á 9. og 10. öld? Fyrirlestur á Landnámssýningunni, Aðalstræti 16 þriðjudaginn 1. apríl kl. 17
Þriðjudaginn 1. apríl heldur Helgi Þorláksson sagnfræðingur sjötta og næstsíðasta fyrirlesturinn í fyrirlestraröð Minjasafns Reykjavíkur um fornleifar í Reykjavík og lífið á landnámsöld.
Fyrirlesturinn nefnist: Hvað vitum við helst um Reykvíkinga á 9. og 10. öld? Varpað veður fram þeirri spurningu hvort Ingólfur Arnarson og hans fólk hafi verið til. Rökstyðja má að frásagnir Landnámabókar um Ingólf og Hjörleif séu skáldskapur að miklu leyti, etv. frá rótum. Eru þá ritheimildir frá 12. öld og síðar gagnslausar um líf fólks í Reykjavík á 9. og 10. öld?
Fyrirlesari mun fjalla um það að svo þurfi ekki að vera og rekja dæmi þess hvernig ritheimildir geta skýrt fornleifar, gefið þeim merkingu og lagt til efni í mynd af lífi Reykvíkinga á umræddum tíma. Þá mun hann fjalla um það hvernig aðrar heimildir en ritheimildir og fornleifar geta varpað ljósi á líf og kjör fólks á elsta skeiði og mun þá einkum nýta náttúrufræðileg og staðfræðileg rök og örnefni.